Jo ghar se door hotay hein
Bohat majboor hotay hein
Kabhi baghon mein sotay hein
Kabhi chup chup k rotay hein
Gharron ko yad kartay hein
To phir faryad kartay hein
Magar jo bay sahara hon
Gharon se bay kinara hon
Inhein ghar koun daita hai
Yeh khatra koun laita hai
Badi mushkil se ek kamrah
Jahan kooi na ho rehta
Nagar se paar milta hai
Bohat be-kaar milta hai
To phir do teen hum jai-se
Milla laitai hain sab paise
Aur appas mian yeh kehtay hain
Keh mil jul ker hi rehtay hain
Koi khana banaie ga
Koi jharoo lagai ga
Koi dhoye ga sab kapray
To reh lain ge barray sukh se
Magar garmi bharee raatein
Tapish alaou sougaatein
Aur ooper se ajjab kamrah
Ghuttan aur habs ka pehra
Thakan se choor hotay hain
Sukoon se door hotay hain
Bohat jee chaahta hai tab
Ke maan ko bhaij de ya Rab
Jo apni goad main le ker
Hamain thandi hawaa dai
Sula dai neend kuch aysie
Ke toote phir na ik pal bhi
Magar kuch bhi naheen hota
To kar letay hain samjhota
Koi dil main bilakta hai
Koi pehron sulagta hai
Jab apna kaam ker ke hum
Palat-te hain to ankhain num
Makkaan veeran milta hai
Bohat be-jaan milta hai
Khushi maa’doom rehti hai
Faza maghmoom rehti hai
Barraiy ranjoor kion na hon
Barraiy majboor kion na hon
Awaa’il main maheene ke
Sab apne khoon paseene ke
Jo paise jor laite hain
Gharon ko bheij dete hain
Aur apne khat main likhte hain
Hum apna dhyan rakhtay hain
Barri khush-bakht gharryan hain
Yahan khushiaan he khushiaan hain
…
No words to appreciate ….couldnt hold myself …
Thanks Mirza Sahib for sharing.