میرے صاحب نو وڈیائیا ں

 

 

اک گناہ میرا ما پے ویکھے، تے دیوے دیس نکالا
لکھ گناہ میرا الله ویکھے، تے او پردے پاون  والا
 
 عدل  کریں تے تھر تھر کمن، اچیاں شاناں والے
فضل کریں تے بخشے جاون ، میں جے وی منہ کالے
 
چنگی صورت تے عاشق ھونا، کادی اے دانائی
عاشق بن تو اس سوہنے دا، جس اے شکل بنائی
 
سفنے دے وچ ملیا ماہی، تے میں گل وچ پا لئیاں بانھواں
او ڈردی ماری اکھ نہ کھولاں، کتھے فر  وچھڑ نہ جاواں
 
سب سئیا ں رل پانی نو  ٹریاں، تے کوئی کوئی مڑسی پر کے
جنہاں نے پر کے سر تے دھریا، او پیر  رکھن ڈر ڈر کے
 
خصخس  جناں قدر نہ میرا ، تے میرے صاحب نو  وڈیائیا ں
میں  گلیاں  دا  روڑا  کوڑا، تے  محل  چڑھا یا   سا ئیا ں
 
بیلی بیلی سب جگ آکھے،  تے میں وی آکھاں بیلی
اس دن دا کوئی نئی جے بیلی، جدوں نکلے جان اکیلی
 
لے او یار حوالے رب دے، اے میلے چار دناں دے
اس دن عید مبارک ہو سی ، جس دن فر  ملاں گے

 

( سیف الملوک )

 

 

Advertisement